🚨 FINAL CALL 🚨 Seats are running out!

Lulu Gaboo is urging you to secure your spot NOW for one of the biggest conversations on the continent 🌍🔥

In just 5 days, Africa Matters brings together leaders, thinkers and decision-makers in Johannesburg to tackle one of the ...most urgent questions of our time:
How does Africa finance its recovery in the face of climate change?

This is more than an event… it’s where Africa’s future is being shaped.
🎟️ Don’t get left out - grab the remaining seats while they’re still available.

📅 25 March 2026
📍 Wits Business School, Johannesburg

#AfricaMatters #ClimateChangeAfrica #AfricanLeaders

É hora de se atualizar com as últimas notícias e acontecimentos da atualidade no #Caleidoscopio com Mariamo Hassamo.

#ChannelAfrica

#ZOCHITIKA

MU NKHANI ZATHU ZA CHUMA

#Malo aakulu pa dziko lonse opangira mafuta omwe ali mdziko la Kuwait, aphulitsidwa ndi bomba pa nkhondo yomwe ikupitilira pakati pa maiko a Iran, Israel ndi USA. Maiko a Kuwait ndi UAE, ati anabweza kuukiridwa ndi mabomba omwe anaphulitsidwa ...ndi dziko la Iran. Mtolankhani wa BBC Azadeh Moshiri, wafotokoza kunena kuti lipoti lochokera mu kampani yoona zintchito za mafuta mdziko la Kuwait, lati adindo othimitsa moto mmawa uno analimbana ndi kuzimitsa moto pa malowa potsatira kuphulitsidwa kwa mabombawa.

#Mkulu wa kampani ya Qatar Energy, yomwe ndi ya boma la dziko la Qatar, wati patenga zaka zitatu kapena zisanu kuti malo pangira mpheya wa gasi otchedwa Ras Laffan, akonzedwe kuti adzayembenso zintchito zake. Malowa, aonongedwa potsatira kuphulitsidwa ndi mabomba pa nkhondo yomwe ikuchitika ku maiko a ku aluya. Nduna yaikulu ya dziko la Qatar, Mohammed al Thani, wadzudzula mchitidwewu.


#Mabanki ndi ofunika kwambiri pa kuthandiza pa nkhani za kusintha kwa nyengo, maka mmaiko a mu Africa.
Izi, ndi mwa mfundo zina zomwe ziikambidwe pa msonkhano wa Africa Matters Summit omwe uuchitike sabata ya mawa, omwe wakhazikitsidwa ndi wailesi ino ya Channel Africa. Dr Manessah Alagbaoso, yemwe ndi mkulu oona zintchito zothandizira kuthana ndi nkhani za kusintha kwa nyengo mu banki ya Standard Bank, ndi mmodzi mwa anthu omwe adzatenge nawo gawo.


#Gawo la za malonda a mbewu ya Cocoa mdziko la Ghana, yakumana ndi bvuto potsatira makampani pgulitsa mbewuyi kukumana ndi bvuto la chuma, ndipo saakukwanitsa kugula mbewuyi kuchokera kwa alimi a mbewuyi. Ndalama yomwe bungwe loona za ulimi wa mbewuyi, ya Cocoabod, yomwe imayenera kuthandiza makampaniwa ndi alimiwa, yakumana ndi mabvuti a aza chuma pa nthawi yomwe ikukanika kubweza ngongole.

Thamo Kapisa
Channel Africa News

#ZOCHITIKA

NKHANI ATHU ZA LERO PA CHINYANJA SERVICE

#Bwalo la milandu mdziko la Tunisia, lagamula kuti Saadia Mosbah aphike ndende kwa zaka zisanu ndi zitatu potsatira kupezeka olakwa pa milandu yokhudza kuzembetsa ndalama ndi kulephera kufotokoza momwe anapezera chuma chake. ...Mosbah, ndi mmodzi mwa anthu omwe akhala akumenyela ma ufuli a anthu, maka othawa kawo komanso omwe akukumana ndi tsankho. Iye, wakhala ali mmanja mwa apolisi chiyambireni mwezi wa Mei mchaka cha 2024, potsatira kumangidwa pamodzi ndi ena odzudzula ulamuliro wa presidenti Kais Saied.

#Mbomba angapo aphulitsidwa mu mzinda wa Tehran mu likulu la dziko la Iran, pa nthawi yomwe asilikali a mdziko la Israel akupitiliza kuphulitsa mabomba ku dzikolo. Malingana ndi malipoti, gulu la asilikali a boma la mdziko la Iran lomwe limadziwika ndi dzina lakuti Revolutionary Guard, lati mneneri wa gululi Ali Mohammad, waphedwa, koma nthawi ndi malo omwe wapheda saanatchulidwe poyera. Ngakhale mikangano ikupitilira, dziko la Iran lati likupitiliza ndi kupanga zida zatsopano za nkhodo. Mtolankhani wa BBC Lyse Doucet, wafotokoza kunena kuti ngakhale zikuoneka ngati dziko la Iran likuonongeredwa zambiri, dzikolo lili ndi kuthekera kobweza mwa mphamvu.


#Chipani cha Congress of the People mdziko la South Africa, chapempha presidenti Cyril Ramaphosa kuti achotse pa udindo nduna ya apolisi Senzo Mchunu. Chipanichi, chanena izi potsatira Ramaphosa kuyankha komiti yapadera ya mu nyumba ya malamulo yomwe imava za umboni wa katangale ndi ziphuphu kuti Mchunu saanadziwitse wina aliyense pa nthawi yomwe anaganiza zothetsa nthambi yapadera yomwe imafufuza za kuphedwa kwa anthu ochita ndale, yotchedwa Political Killings Task Team. Poyankha kudzera mu kalata, Ramaphosa wati Mchunu saanamudziwitse zothetsa nthambiyi, ndipo izi zikusiyana ndi zomwe Mchunu wakhala akunena kuti anadziwitsa Ramaphosa.
Pakes Dikgetsi, yemwe akugwirizira mpando wa wamkulu wapampando wa chipanichi, walankhula kunena kuti Ramaphosa anadziwa mu mwezi wa February chaka chatha kuti Mchunu inadzitengera ganizoli payokha, ndipo apa analephera kudziwitsa nzika za dzikoli.

#Yemwe akugwirizira mpando wa presidenti wa dziko la Venezuela, Delcy Rodriguez, wasankha adindo atsopano mu unduna wa asilikali, patangodutsa tsiku limodzi kukhaziktsa nduna ya za chitetezo.Kusinthaku, kwadza pa nthawi yomwe Presidenti Nicolas Maduru pamodzi ndi mkazi wake, akadali mmanja mwa dziko la USA potsatira kugwidwa mu mwezi wa Januare. Mtolankhani wa BBC Olivia Noon, wafotokoza kunena kuti Rodriguez, yemwe anali wachiwiri kwa Maduro, wakala akugwira ntchito zake zoyendetsa boma modziwitsa presidenti wa dziko la USA, Donald Trump, chiyambireni pa nthawi yomwe Maduro anagwidwa. Komanso kuti ngakhalae dziko la USA linanena kuti limuikira kumbuyo pa udindowu, iye wakumana ndi bvuto loyanjanitsa nzika.


#Sipikala wanyumba yamalamulo mdziko la Malawi, a Sameer Suleman apempha makampani komanso mabungwe osiyanasiyana kuthandiza dzikolo pomwe lakhuzidwa ndi madzi osefukira.
A Suleman ayankhula izi m'mawa wa lero mnyumba yamalamulo.
Aphungu ena mu hyumbayi, apempha boma kudzera ku unduna wazamtengamtenga kuti uwonjezere ndalama zomwe zapita ku nthambi ya Roads Authority zokonzera misewu komanso milatho yomwe yaonongeka kutsatira mvula yamphamvu yomwe yakhala ikugwa m'dzikolo.
Mulipoti loyamba la nthambi yoona ngozi zogwa mwadzidzidzi ya DoDMA, lati maanja opitilira 9,000 akhudzidwa ndi mvula ya mphamvu pomwe anthu 13 amwalira.

#Bungwe lomenyera ufulu wa anthu mdziko la Malawi la Human Rights Defenders Coalition (HRDC) lapempha mtsogoleri wadzikolo Peter Muthalika kuti achotse pampando nduna yazachuma Joseph Mwanaveka komanso anthu onse omwe akukhudzidwa pakugulidwa kwa hotela ya Amalyris.
Wapampando wabungweli Michael Kaiyatsa wanena izi lero pamsonkhano wa atolankhani mumzinda wa Lilongwe.
Ena mwa adindo omwe Kaiyatsa wati mtsogoleri wadzikolo akuyenera kuwachotsa pampando ndi wapampando wogwirizila wabungwe lothana ndi katangale la ACB Gabriel Chembezi komanso mlangizi waboma pankhani zamalamulo Frank Mbeta ati ponena kuti adalephera kugwira ntchito yawo moyenera pankhani yokhudza kugula hotelayi.

Thamo Kapisa
Channel Africa News

#Zochitika
Nkhani za masewera

>Bungwe loona za masewera a mpira wamiyendo padziko lonse, la FIFA, lapereka chilango kwa bungwe loona zampira wamiyendo mdziko la Israel, la Israel Football Association (IFA), cha chindapusa cha ndalama zokwana 146,000 US dollars, komanso lapereka ...chenjezo pa nkhalidwe wabungwelo kutsogoloku, potsatira kafukufuku pa mlandu wa tsankho omwe unatsegulidwa ndi bungwe la Palestine Football Association. Komiti yoona za malamulo m'bungwe la FIFA inafufuza momwe bungwe la IFA linagwirira za tsankho m'masewera a mpira mdziko la Israel. Bungwe la FIFA lapeza kuti bungwe la IFA linaphwanya malamulo a gawo nambala 13 la nkhalidwe oyipa ndi lophwanya mfundo za maseweredwe ofanana, ndi gawo nambala 15 la tsankho ndi nkhanza za tsankho. Kuphatikizira chindapusa ndi chenjezezo, bungwe la FIFA lati bungwe la IFA liyenera kuyika chikwangwani chachikulu chowoneka bwino, ndi mawu akuti "Mpira umayanjanitsa dziko lapansi, ayi ku Tsankho" mchingerezi kuti "Football Unites the World, no to Discrimination", kumasewera atatu amene achitike mdziko la Israel.

>Nduna ya zamasewera, zaluso, ndi Chikhalidwe mdziko la South Africa, Gayton McKenzie, yati dziko la South Africa ndilokonzeka kuthandiza timu yampira wamiyendo yadziko la Senegal kusunga chikho chawo cha mpikisano wa 2025 Africa Cup of Nations (AFCON), komanso kupereka thandizo lamalamulo. McKenzie wanena kuti sadzalola Morocco kupitiriza kupondereza masewera a mpira mu Africa, komanso kupondereza mabungwe makumi asanu ndi atatu omwe ali pansi pabungwe la Confederation of African Football (CAF). Izi zabwera pambuyo pa komiti ya Apilo ya bungwe la CAF kutembenuza zotsatira zampikisano wa 2025 AFCON, omwe Mikango yaku Teranga, Senegal, inapambana 1-0 kunena kuti tsopano Morocco ndiyo yapambana. McKenzie wati South Africa ili pambuyo pa Senegal pamene ikukadandaula ku bwalo lamalamulo a masewera padziko lonse la Court of Arbitration for Sport kuti isunge chikho champikisanowu.......

>Pamene kwangotsala masiku 83 kuti mpikisano wa 2026 FIFA World Cup uyambe, mphunzitsi wa Bafana Bafana, timu yampira wamiyendo yadziko la South Africa, Hugo Broos, wafotokoza momwe akukonzekera mpikisanowu. Polankhula pambuyo posankha osewera ake omwe akasewere masewera apabaule ndi timu yadziko la Panama mu mzinda wa Durban komanso wa Cape Town mwezi uno, Broos wasindikiza kufunika kwa chithandizo cholimba chochokera ku bungwe loona zamasewera a mpira mdzikomo, la South Africa Football Association (SAFA). Iye, Broos, posachedwapa anakayendera mzinda wa Pachuca mdziko la Mexico komwe timuyi ikakhazikike pa nthawi ya mpikisanowu, ndipo wati akufuna kuti timu yake ikafikeko pasafike pa 31 mwezi wa May kuti akazolowere bwino nyengo ndi malo........

>Gianni Infantino, mtsogoleri wabungwe la FIFA, wabwerezanso kunena kuti mpira wamiyendo uli ndi gawo lofunika kwambiri kubweretsa mtendere ndi mgwirizano, pa msonkhano wa Khonsolo ya FIFA womwe unachitika pa intaneti mumzinda wa Zurich. Infantino wati bungwe la FIFA silingathe kuthetsa mikangano ya ndale zapadziko lonse, koma yadzipereka kugwiritsa ntchito mphamvu za masewerawa komanso mpikisano wa FIFA World Cup pomanga maubale ndi kulimbikitsa mtendere.

Alex Nkhuku
Channel Africa News.

#Zochitika
Nkhani za masewera

>Bungwe loona za masewera a mpira wamiyendo padziko lonse, la FIFA, lapereka chilango kwa bungwe loona zampira wamiyendo mdziko la Israel, la Israel Football Association (IFA), cha chindapusa cha ndalama zokwana 146,000 US dollars, komanso lapereka ...chenjezo pa nkhalidwe wabungwelo kutsogoloku, potsatira kafukufuku pa mlandu wa tsankho omwe unatsegulidwa ndi bungwe la Palestine Football Association. Komiti yoona za malamulo m'bungwe la FIFA inafufuza momwe bungwe la IFA linagwirira za tsankho m'masewera a mpira mdziko la Israel. Bungwe la FIFA lapeza kuti bungwe la IFA linaphwanya malamulo a gawo nambala 13 la nkhalidwe oyipa ndi lophwanya mfundo za maseweredwe ofanana, ndi gawo nambala 15 la tsankho ndi nkhanza za tsankho. Kuphatikizira chindapusa ndi chenjezezo, bungwe la FIFA lati bungwe la IFA liyenera kuyika chikwangwani chachikulu chowoneka bwino, ndi mawu akuti "Mpira umayanjanitsa dziko lapansi, ayi ku Tsankho" mchingerezi kuti "Football Unites the World, no to Discrimination", kumasewera atatu amene achitike mdziko la Israel.

>Nduna ya zamasewera, zaluso, ndi Chikhalidwe mdziko la South Africa, Gayton McKenzie, yati dziko la South Africa ndilokonzeka kuthandiza timu yampira wamiyendo yadziko la Senegal kusunga chikho chawo cha mpikisano wa 2025 Africa Cup of Nations (AFCON), komanso kupereka thandizo lamalamulo. McKenzie wanena kuti sadzalola Morocco kupitiriza kupondereza masewera a mpira mu Africa, komanso kupondereza mabungwe makumi asanu ndi atatu omwe ali pansi pabungwe la Confederation of African Football (CAF). Izi zabwera pambuyo pa komiti ya Apilo ya bungwe la CAF kutembenuza zotsatira zampikisano wa 2025 AFCON, omwe Mikango yaku Teranga, Senegal, inapambana 1-0 kunena kuti tsopano Morocco ndiyo yapambana. McKenzie wati South Africa ili pambuyo pa Senegal pamene ikukadandaula ku bwalo lamalamulo a masewera padziko lonse la Court of Arbitration for Sport kuti isunge chikho champikisanowu.......

>Pamene kwangotsala masiku 83 kuti mpikisano wa 2026 FIFA World Cup uyambe, mphunzitsi wa Bafana Bafana, timu yampira wamiyendo yadziko la South Africa, Hugo Broos, wafotokoza momwe akukonzekera mpikisanowu. Polankhula pambuyo posankha osewera ake omwe akasewere masewera apabaule ndi timu yadziko la Panama mu mzinda wa Durban komanso wa Cape Town mwezi uno, Broos wasindikiza kufunika kwa chithandizo cholimba chochokera ku bungwe loona zamasewera a mpira mdzikomo, la South Africa Football Association (SAFA). Iye, Broos, posachedwapa anakayendera mzinda wa Pachuca mdziko la Mexico komwe timuyi ikakhazikike pa nthawi ya mpikisanowu, ndipo wati akufuna kuti timu yake ikafikeko pasafike pa 31 mwezi wa May kuti akazolowere bwino nyengo ndi malo........

>Gianni Infantino, mtsogoleri wabungwe la FIFA, wabwerezanso kunena kuti mpira wamiyendo uli ndi gawo lofunika kwambiri kubweretsa mtendere ndi mgwirizano, pa msonkhano wa Khonsolo ya FIFA womwe unachitika pa intaneti mumzinda wa Zurich. Infantino wati bungwe la FIFA silingathe kuthetsa mikangano ya ndale zapadziko lonse, koma yadzipereka kugwiritsa ntchito mphamvu za masewerawa komanso mpikisano wa FIFA World Cup pomanga maubale ndi kulimbikitsa mtendere.

Alex Nkhuku
Channel Africa News.

Join Mariamo Hassamo on #Caleidoscopio – a News and Current Affairs show that provides the latest updates on major news stories.

The show covers breaking stories as we round up all the news events of the day, especially on the African Continent between 20:00 – 21:00 CAT
...#ChannelAfrica