Boa noite, África! É hora de mais uma edição do #Caleidoscópio com Mariamo Hassamo!

Stream: https://www.facebook.com/share/v/1CYwBtnVb4/

#ChannelAfrica

#Zochitika
Nkhani za masewera

>Mtsogoleri wabungwe la Confederation of African Football (CAF), Dr Patrice Motsepe, wati sakulolera ndi pang'ono pomwe ziphuphu mkati mwa bungwelo, pamene akuyesetsa kulimbana ndi kubwezeretsa mbiri yabwino ya bungwelo. Mwezi watha boma ladziko la... Senegal linafuna kuti bungwe la CAF lifufuzidwe mozama, pambuyo patimu yadzikolo kulandidwa chikho cha mpikisano wa Africa Cup of Nations (AFCON) mchaka cha 2025. Mmalo mwake Morocco idalengezedwa ngati yopambana ndi gawo la apilo la CAF. Motsepe akuti ali okonzeka kulandira kafukufuku aliyense wokhudza ziphuphu mkati mwa bungwe la Caf. Watinso ayesetsa kukulitsa mbiri ya bungwe lomwe walisintha chitengereni udindo mchaka cha 2021. Motsepe, mzibambo wamabizinesi amene ali olemekezeka kwambiri ochokera mdziko la South Africa, wanenanso kuti ngakhale bungweli likukumana ndi zovuta, udindo wake ndi kukulitsa mpira wamiyendo mu Africa, komanso kugwirizanitsa nthambi zake zonse makumi asanu ndi zinayi zabungweli.....

>Tyson Fury, katswiri odziwa kuvunga dzibakera wamdziko la Britain akuyenera kubwerera pa bwalo la nkhonya mapeto a sabata ino, pomwe akakumane ndi Arslanbek Makhmudov wa mdziko la Russia pa bwalo la Tottenhum Hotspur mu mzinda wa London mdziko la England. Fury, wazaka makumi atatu, zisanu ndi zitatu, wabwereranso ku masewerawa chipumileni atathiburidwa ndi Oleksandr Usyk wamdziko la Ukraine mchaka cha 2024. Makhmudov, yemwe amadziwika ndi mphamvu zake ngati munthu wamangolomera, mu ndewu zake makumi awiri ndi imodzi zomwe anapambana, khumi, zisanu ndi zitatu mwa izo zinathera kukomora, kapena kuti knockout mchingerezi. Nkhonyayi yabweretsa zokambakamba zozungulira tsogolo la Fury, ndipo anthu akufunsa ngati akadali ndi mphamvu zopikisa padziko lonse.

>Mpikisano othamanga wa chaka chino wa Totalsports Two Oceans Marathon mu mzinda wa Cape Town mdziko la South Africa, ukukonzekera kuyamba kumapeto kwa sabata ino. Mpikisanowu uli mzigawo ziwiri, wa mtunda wamakilomita 56 wa Ultra Marathon omwe uchitike mawa loweluka, komanso wamtunda wa 21.1 kilomita mkuja lamlungu. Othamanga oposa 30,000 akuyembekezeka kutenga nawo mbali mu mpikisanowu umene ndi wotchuka kwambiri. Bungwe latsopano lasankhidwa kuti liwongolere mipikisanoyi pambuyo pa zosokoneza zomwe zinachitika chaka chatha. Mkozi wamapulogalamu pa wailesi ya SAFM, yomwenso ili ya SABC, Marumo Kekana, akatenga nawo mbali mu mpikisano wamawali, loweluka, ndipo wati ukakhala mpikisano wake wa marathon oyamba, ndipo akuti wakonzekera mokwanira.......

>Mphunzitsi wamkulu wa timu ya Liverpool FC yamdziko la England, Arne Slot, wanena kuti eni ake atimuyo, komanso masapota, akadali pambuyo pake ngakhale timuyo ikukumana ndi nthawi yovuta yosachita bwino. Liverpool yangopeza pointi imodzi yokha mumasewera awo atatu omaliza a ligi yadzikolo, ndipo posachedwapa yagonja masewera a mipikisano motsatizana, wa FA Cup, ndi wa Champions League. Ili pachisanu mu ligi, ndipo ili pampanipani kuyesetsa kuti ipeze malo mu mpikisano wa UEFA chaka chamawa.

Alex Nkhuku
Channel Africa News.

#ZOCHITIKA

MU NKHANI ZATHU ZA CHUMA

#Bodi ya kampani ya za mayendedwe a pa ndege ya South African Airways, yalengeza kuti mkulu wa kampaniyi Professor John Lamola watula pansi udindo wake. Mu chikatala chomwe chatulutsidwa pamodzi ndi bodi ya kampaniyi komanso nduna ya za ...mtengatenga mai Barbar Creecy, yatsindika za nkhaniyi, powonjezera kunena kuti Lamola amaliza ntchito yake kumapeto kwa mwezi uno. Lamola, anakhazikitsidwa pa udindowu mu chaka cha 2022, pomwe anayamba zintchito zothandizira kukwezanso zintchito za kampaniyi potsatira mliri wa Covid 19.

#Dziko la Mozambique, chaka chatha linakweza zintchito za mgodi okhudza mwala wa Ruby ndi 29 percenti. Uku, kunali kukwera koposa ndi 5 million carats malingana ndi unduna onna za chilengedwe ndi mphamvu mdzikolo. Undunawu, wati kukweraku kunali kusiyana ndi ma carats okwana 4.1 million mu chaka cha 2024. Ntchito zokhudza mwalawu, zikuyembekezeka kukwera chaka chino.

# Kampani yopanga magalimoto ya mdziko la Germany ya Volkswagen, yalengeza za kuimitsa kupanga mtundu wa magalimoto a ID.4 Electric SUV. Magalimotowa, akhala akupangidwa kuchokeras pa malo ake mu mzinda wa Tennessee mdziko la USA. Kampaniyi, yati yakhala ikukumana ndi mabvuto osiyana siyana chiyambireni pa nthawi yomwe presidenti wa dziko la USA Donald Trump analengeza za kukhazikitsa misonkho pa malonda a magalimoto oyendela mphamvuza magetsi.

#Unduna wa za umoyo mchigawo cha Eastern Cape mdziko la SA, ladzudzula mchitidwe onyanyala kugwira ntchito ndi ogwira ntchito pa zipatala za Dora Nginza Hospital ndi Motherwell Community Health Centre. Mneneri wa undunawu mchigawochi, Camagwini Mavovana, wati kunyanyala kugwira ntchitoku kwasokoneza odwala ndipo akhazikitsidwa pa chiopsezo chifukwa cha kusokonekera kwa zintchito zina.
Odwala ena omwe omwe amadalira kulandira thandizo kuchokera pa zipatalazi, apititsidwa ku zipatala zina.


Thamo Kapisa
Channel Africa News

#ZOCHITIKA

NKHANI ZATHU ZA LERO PA CHINYANJA SERVICE

#Anthu anayi amwalira potsatira bwato lomwe anakwera kumira pa mtsinje wa English Channel omwe uli pakati pa maiko a France ndi England. Chiyambireni cha chaka chino, anthu othawa kwawo okwana 5 000, akhala akuyesela kuoloka ...mtsinjewu pa kugwiritsira njira zosabvomelezeka. Mtolankhani wa BBC Hugh Schofield, wafotokoza kunena kuti a za chitetezo anaitanidwa potsatira ngoziyi yomwe yachitikira mu mphepete mwa mtsinjewu mu dera la Equihem. Bwatoli, likuganiziridwa kuti linanyamula anthu oposa 40, ndipo maiko omwe anachokera pakadali pano saakudziwika.


#Presidenti wakale wa dziko la Malawi Dr Lazarus Chakwera, wafika mdziko la Tanzania komwe watumizidwa ndi bungwe la Commonwealth ngati nthumwi yapadera. Bungweli, latumiza Dr Chakwera kuti akakhale nawo pa zokambira zofuna kukhazikitsa bata ndi mtendere pa ndale, potsatira zipolowe zomwe zinachitika pambuyo pa masankho omwe anachitika chaka chatha. Dr Chakwera, akuyembekezeka kukumana ndi atsogoleri a mabungwe, zipani komanso magulu oimilira anthu wamba.

#Potsatira dziko la USA kupereka chenjezo kwa nzika zake kuti zikhale tcheru ngati zili ndi cholinga chofuna kutenga ma ulendo ku dziko la Nigeria, dzikolo lasamutsa ogwira ntchito mu ofesi ya kazembe wake mu mzinda wa Abuja.
Boma la dziko la USA, lasamutsa ogwira ntchitowa pamodzi ndi mabanja awo, poona kuti pali chiopsezo cha magulu a zigawenga kuchita ziwembu. Mwa zina, dziko la USA latinso laimitsa ntchito yopereka ziphatso zoyendlera ndipo zikupereka ziphatsozi mdzikolo kwa anthu omwe akufuna kutenga ma ulendo mwachangu okha.

#Nthumwi za mmaiko osiyan siyana zayamba kufika mdziko la Pakistan pomwe ziikhale nawo pa zokambirana pa nkhani yofuna kuthetsa mikangano pakati pa maiko a USA, Israel ndi Iran.
Nthumwizi, zikumana mu mzinda wa Islamabad mu likulu la dziko la Pakistan.
Dziko la USA, liimiliridwa ndi, JD Vance, Steve Witkoff komanso Jared Kushner
pamene dziko la Iran liimiliridwa ndi Mohammad Qalibaf komanso Abbas Araghchi.

Nthumwi za Iran zatsagana ndi ndege za nkhondo za Pakistan kuchokera ku Iran kufika ku Islamabad, pamene gulu la United States lafika ndi magalimoto awo a chitetezo omwe anabwera nawo limodzi.

#Dziko la Russia yalengeza kuti iyimitsa nkhondo kwakanthawi pa nthawi ya Orthodox Easter, ndipo Ukraine yasonyeza kuti ivomerezanso izi. Vladimir Putin walengeza kuti kuyimitsidwa kwa nkhondo kudzayamba Loweruka pa 11 April nthawi ya 16:00 mpaka kumapeto kwa Lamlungu pa 12 April (nthawi ya ku Moscow), kwa maola pafupifupi 32.

Nduna ya chitetezo Andrey Belousov limodzi ndi mkulu wa asilikali Valery Gerasimov alangiza asilikali onse a Russia kusiya nkhondo panthawiyi koma akhalebe tcheru ngati pangakhale kuswa mgwirizano. Komanso, Volodymyr Zelenskyy wanena kuti Ukraine iganizirenso kutsatira kuyimitsidwa kwa nkhondoku, zomwe zapereka chiyembekezo chochepa cha kuchepa kwa nkhondo kwakanthawi.

Thamo Kapisa
Channel Africa News

Fique atualizado com o #Caleidoscopio, um programa dinâmico de notícias e atualidade que traz as mais recentes informações de África e do mundo.

Junte-se a Mariamo Hassamo para notícias de última hora, análises aprofundadas e um resumo completo dos principais acontecimentos do dia ...que estão a moldar o continente.

Dos grandes destaques aos eventos em desenvolvimento, #Caleidoscopio mantém-no informado e envolvido.

#ChannelAfrica

Imvani nkhani zabwino zapamwamba mwatsatane tsatane madzulo ano ndi Thamo Kapisa.

#Zochitika #ChannelAfrica #Chinyanja #ChinyanjaNewsBulletin

#Caleidoscopio
Channel Africa - Portuguese

Muli bwanji Africa.
Ndi nthawi ya #Zochitika ndi Mada Phiri.

Fikani kuti mukhale mukudziwa zomwe zikuchitika mu Africa ndi padziko lonse lapansi.

#ChannelAfrica