Resenha desportiva com Venâncio José.

#Caleidoscópio #ChannelAfrica

#Zochitika
Nkhani za masewera

>Mtsogoleri wadziko la Tanzania, Samia Suluhu Hassan, wapempha Didier Drogba, wosewera wakale wa timu yampira wamiyendo ya dziko la Ivory Coast, komanso timu ya Chelsea yamdziko la England, kuti akhale kazembe wadzikolo mumpikisano wa Africa Cup of ...Nations wa chaka cha 2027. Samia wapereka pempholi pokambirana ndi Drogba atangofika ku nyumba ya boma ya Chamwino mumzinda wa Dodoma. Walamulanso unduna wa Zachidziwitso, Chikhalidwe, Zaluso ndi Masewera kuti ugwirizane ndi katswiri wampirayu kugawana ukatswiri okhudza kayendetsedwe ndi chitukuko cha sukulu zamasewera mdzikomo, ngati njira imodzi yolimbikitsa masewera mdzikolo. Kumbali yake, Drogba wathokoza mtsogoleri wadzikolo, Samia, chifukwa chomuyitana, ndipo wasonyeza kuti ndiwokonzeka kugwira ndi boma la dziko la Tanzania pazitukuko zosiyanasiyana zamasewera.

>Mpikisano wothamanga wodziwika bwino wa Soweto Marathon mdziko la South Africa tsopano uli pa chitetezo, ndipo uchitika chaka chino. Mpikisanowu chaka chino unali pachiopsezo chifukwa cha mikangano ya malamulo ndi zachuma, yomwe ikupitilira, pomwe opambana a chaka chatha akadali kudikirirabe kulandira ndalama zawo za mphotho. Miyezi yopyola isanu yatha pamene mpikisano wa Soweto Marathon wa chaka chatha unachitika, koma opambana apamwamba sanalandire ndalama zawo za mphotho mpakana pano. Kampani yopangitsa mpikisanowu, ya Soweto Marathon Non-Profit Company ikunenedwa kuti inangotenga ndalamazo n'kusowa. Nduna ya Zamasewera mdzikomo, Gayton McKenzie, yalowererapo, ndipo yati unduna wake upereka ndalama za mphotho kwa opambana a chaka chatha, komanso ikonza mpikisano wa chaka chino. McKenzie akukakamiza kuti milandu ya chinyengo itsegulidwe motsutsana ndi kampani yopangitsa mpikisano wa Soweto Marathon, pomwe bungwe la National Prosecuting Authority ndi apolisi amdzikomo, akufufuza kale nkhaniyi. Akufunanso kuti kampani ya Non-Profit Company limodzi ndi oyang'anira ake aletsedwe kuyang'anira masewera mtsogolo muno.....

>Wamkulu owona za ntchito m'kampani ya Fighter Club Promotions, Chich Nyama, wanena kuti ndikofunika kwambiri kuti ayike ndalama pothandiza kukula kwa masewera a nkhonya a azimayi mdziko la South Africa. Kampaniyi, yomwe ndi yotsatsa ndi kupititsa patsogolo masewera a nkhonya, ichititsa mpikisano otchedwa "Battle of the Coast" ku Wild Coast Sun, malo amene ali pakati pa chigawo cha Eastern Cape ndi KwaZulu Natal pa 9 mwezi uno, pomwe nkhonya zinayi zidzatsogoleredwa ndi azimayi. Polankhula ndi atolankhani, Nyama wati palibe masewera omwe akudziwika omwe ali a amuna okha kapena akazi okha......

Alex Nkhuku
Channel Africa News

#ZOCHITIKA

MU NKHANI ZATHU ZA CHUMA

#Meyala wa mzinda wa Johannesburg mchigawo cha Gauteng mdziko la South Africa, Dada Morereo, wati nthumwi za boma la mzindawu zili pa zokambirana ndi ndunaya za chuma Enoch Godongwana, pa nkhani za chuma zokhudza mzindawu. Ofesi ya meyalayu, ...inalandira kalata kuchokera kwa ndunayi sabata yatha , ndipo zokambirana zayambika kale, Mbali zonse, zagwirizana za kukhazikitsa mkumano posachedwapa kuti akambirane za mabvuto omwe mzindawu wakumana nawo pa nkhani zachuma.

#Presidenti wa dziko la France, Emmanuel Macron, pamodzi ndi presidenti mzake wa dziko la Kenya William Ruto, atsogolera msonkhano otchedwa France - Africa Summit omwe uuchitike sabata ya mawa mu mzinda wa Nairobi mu likulu la dziko la Kenya.
Nthumwi za m'magawo osiyana siyana mu gawo la za malonda zikuyembekezeka kudzatenga nawo gawo pa kufuna kupeza njira zokhazikitsa zintchito zatsopano komanso kukweza magawo ena a za chuma.

#Ted Turner, yemwe anakhaziktsa nyumba yofalitsa nkhani ya CNN, wamwalira, Turner, yemwe anali ndi zaka 87 zakubadwa, anakhazikitsa kampaniyi mu chaka cha 1979 ndipo pakadali pano ndi yolemera ndi ndalama zoposa $2 billion.

Thamo Kapisa
Channel Africa News

Boa noite, África! É hora de mais uma edição do #Caleidoscópio com Mariamo Hassamo!

#ChannelAfrica @PCaleidoscopio

ZOCHITIKA

NKHANI ZATHU ZA LERO PA CHINYANJA SERVICE

#Pamene nzika za mayiko ena zokhala mdziko la South Africa zikuchitiridwa nkhanza, boma la Malawi kudzera mu ofesi yake ya ukazembe yachenjeza aMalawi okhala mdzikoli kukhala tcheru ndikutsatira ndondomeko zodzitetezera.
...Izi, ndi malingana ndi kalata yomwe ofesiyi yomwe ili mu mzinda wa Pretoria mchigawo cha kumpoto kwa chigawo cha Gauteng, yatulutsa pomwe yatinso yalandira malipoti okhumudwitsa okhudza za mtopolazi.
Apa, kalatayi yapempha aMalawi okhala mdziko la South Africa kumayenda ndi ziphatso monga passport, kupewa malo achigulu cha anthu komanso kupewa malonda opanda pake.
Pakadali pano, unduna oona ubale wa dziko la Malawi ndi mayiko ena wati ukukambirana ndi adindo okhudzidwa pofuna kuti aMalawi omwe ali mdziko la South Africa akhale otetezeka.

#Mtsogoleri wa gulu lotchedwa March for March mdziko la South Africa, Jacinta Ngobese Zuma, wati boma la dzikoli likuyenera kulimbikira pa ntchito yoteteza ma ufulu a nzika za dzikoli. Ngobese Zuma, walankhula izi pa zionetsero zomwe zinachitika masana ano mu mzinda wa Durban mchigawo cha Kwazulu Natal , zotsutsana ndi nzika za maiko ena zomwe zili mdzikoli mopanda ziphatso zoyenelera.

#Bungwe loona za umoyo pa dziko lonse la World Health Organosation, tsapano latsindika za kupezeka kwa kachilombo ka Hanta Virus mwa anthu okwana asanu ndi atatu. Anthuwa, anali alendo mu sitima ya pa nyanja yotchedwa MV Honduis, yomwe ndi ya mdziko la Netherlands. Kupezeka kwa kachilomboka, kunabwera poyera potsatira anthu atatu kumwalira ndi kachilomboka, pamene enawa atengedwa ku chipatala mdziko la Netherlands. Bungweli, latsindikanso kuti kachilomboka kali ndi kutekera kofalikira pakati pa anthu, ngakhale kamayambika kuchokera ku makoswe. Mtolankhani wa BBC Anna Holligan, wafotokoza kunena kuti anthu atatu omwe atengedwa ku chipatala ndi nzika za maiko a UK, Netherlands komanso Germany.

#Bungwe la United Nations, lapereka ndalama yapadera yokwana $98 million ku dziko la Mozambique kuti ndalamayi ithandize boma pa anthu omwe akhudzidwa ndi ngozi zogwa mwa dzizidzi komanso kusintha kwa nyengo. Ndalamyi, igwiritsiridwa ntchito m'madera komwe anthu akhudzidwa ndi njala, kusowekera kwa madzi a a ukhondo, mwa zina. Nthumwi ya mu nthambi ya mu bungweli yotchedwa UN Humanitarian Coordinator, Catherine Sozi, yati ndalama yi ndi njira imodzi yofuna kukwaniritsa mugawo la zintchito za mu ndondomeko yotchedwa 2026 Humanitarian Needs and Response Plan, yomwe pakadali pano ikufunikira ndalama yokwana $534 million kuti ikwaniritse kuthandiza anthu okwana 1.7 million.

#Komiti ya kunyumba ya malamulo mdziko la Malawi, yomwe iifufuze za ngozi ya ndege yomwe idapha wachiwiri wakale kwa mtsogoleri wa dzikolo Dr Saulos Chilima ndi anthu ena asanu ndi atatu yapeleka mwayi kwa aliyense yemwe ali umboni okhuza ngoziyi kuti akapeleke ku komitiyi.
Poyankhula kudzera mu uthenga omwe komitiyi yapeleka, yati anthu onse omwe ali ndi umboni atha kupita ku nyumba ya malamulo kapena kuperekera umboni pa lamya.
Uthengawu wati komitiyi iwonetsesa kusunga chinsisi pa mboni zonse.
Dr Chilima, ndi anthu ena asanu ndi atatu adamwalira pa ngozi ya ndege yomwe idachitika mu nkhalango ya Chikangawa m'boma la Mzimba pa 10 June mchaka cha 2024.
Bungwe la Human Rights Consultative Committee (HRCC) lapempha komiti ya ku nyumbayi kuti iwonetsetse kuti pali chitetezo komanso chinsinsi chokwanira kwa anthuwa omwe akhale akupeleka umboni pankhaniyi.

Thamo Kapisa
Channel Africa News

Welcome to #Caleidoscopio with Mariamo Khumalo until 21:00 CAT.

Fikani ndi kumvela zomwe zachitika mu Africa pamene Thamo Kapisa akupatsileni tsatane tsatane wa nkhani zazikulu, zapamwamba

#Zochitika

Muli bwanji Africa.

Ndi nthawi ya #Zochitika ndi Mada Phiri.

Fikani kuti mukhale mukudziwa zomwe zikuchitika mu Africa ndi padziko lonse lapansi.

#ChannelAfrica @Chinyanja1

News and Current Affairs show that provides the latest updates on major news stories. Covers breaking stories as we round up all the news events of the day, especially on the African Continent.

#Zochitika ndi Mada Phiri.